TEMPAT : DALAM KERETA (SEPANJANG PERJALANAN).
PELAKON : SUAMI DAN ISTERI.
ARAHAN
KEDUA SUAMI ISTERI SEDANG DALAM PERJALANAN, TIBA-TIBA SEBUAH KERETA MEMOTONG DENGAN LAJUNYA.
SUAMI
(SELAMBA) Macam dibubut penjahat tah pulang, memberi tungkal saja abis diorang ani.
ISTERI
Iya tah tu…mun babahaya karang orang lain disalahkan, macam dada berakal tah pulang.
SUAMI
Mun kadia saja yang kapisan inda mengapa, ani orang lain punya salah diri yang menderita seumur hidup.
ISTERI
Iyatah namanya pantingkan diri sendiri tu, macam tah abis atu diorang yang ampunya jalan ah…!
SUAMI
Tau jua abis diorang atu kali ah…jalan raya ani bukan jua hak milik diri taugat-ugat, orang lain pun membayar cukai jalan jua.
ISTERI
Inda tah abis diorang paduli tu bang, asal saja siuk pacut sana pacut sini, potong kiri potong kanan asal saja ada lobang.
SUAMI
Kalau iksiden karang dikurapakkan jalan raya inda baik, pada hal diri sendiri yang inda sayangkan nyawa.
ISTERI
Gagas kali abis diorang atu bah…mana tau sakit damam kan ke sipitar, maklum sekarang ani penyakit inda memilih waktu.
SUAMI
Apa jua jauhnya olih…mun nganya dua tiga minit, salah-salah diri kana antar ke kubur…!
ISTERI
Bah jangan tah babagai-bagai…padulikan tah abis diorang atu, asal saja kitani inda mengikut gaya abis diorang atu.
SUAMI
Bahapa tah pulang…nganya abis diorang atu lakat lagi ikut-ikutan macam dalam tv atu bah.
ISTERI
Iatah memberi watir kanak-kanak ikut-ikutan, sekarang ani lagi serba serbinya kana gantung di bulu mata.
SUAMI
Kalau kanak-kanak damit inda jua kan di hairankan, ani bajugauan sudah, tau jua kali kan keselamatan orang lain.
ISTERI
Ada jua abis diorang bapikir tu barangkali, barang mustahil jua inda… apatah lagi abis diorang atu orang bepelanjaran tinggi.
SUAMI
Mun sudah perangai dengan kebiasaan atu, inda tah abis diorang peduli semua atu, semakin kambang pulang abis diorang tu.
ISTERI
(TERKEJUT) Nah bang…! Tu nah kereta memotong kitani antadi talayah-layah ah…empat-empat rodanya ke atas…!
SUAMI
(SELAMBA) Sabab nyangku…!
- CUT TO -
WATAK-WATAK
1 SUAMI
2 ISTERI.
PELAKON : SUAMI DAN ISTERI.
ARAHAN
KEDUA SUAMI ISTERI SEDANG DALAM PERJALANAN, TIBA-TIBA SEBUAH KERETA MEMOTONG DENGAN LAJUNYA.
SUAMI
(SELAMBA) Macam dibubut penjahat tah pulang, memberi tungkal saja abis diorang ani.
ISTERI
Iya tah tu…mun babahaya karang orang lain disalahkan, macam dada berakal tah pulang.
SUAMI
Mun kadia saja yang kapisan inda mengapa, ani orang lain punya salah diri yang menderita seumur hidup.
ISTERI
Iyatah namanya pantingkan diri sendiri tu, macam tah abis atu diorang yang ampunya jalan ah…!
SUAMI
Tau jua abis diorang atu kali ah…jalan raya ani bukan jua hak milik diri taugat-ugat, orang lain pun membayar cukai jalan jua.
ISTERI
Inda tah abis diorang paduli tu bang, asal saja siuk pacut sana pacut sini, potong kiri potong kanan asal saja ada lobang.
SUAMI
Kalau iksiden karang dikurapakkan jalan raya inda baik, pada hal diri sendiri yang inda sayangkan nyawa.
ISTERI
Gagas kali abis diorang atu bah…mana tau sakit damam kan ke sipitar, maklum sekarang ani penyakit inda memilih waktu.
SUAMI
Apa jua jauhnya olih…mun nganya dua tiga minit, salah-salah diri kana antar ke kubur…!
ISTERI
Bah jangan tah babagai-bagai…padulikan tah abis diorang atu, asal saja kitani inda mengikut gaya abis diorang atu.
SUAMI
Bahapa tah pulang…nganya abis diorang atu lakat lagi ikut-ikutan macam dalam tv atu bah.
ISTERI
Iatah memberi watir kanak-kanak ikut-ikutan, sekarang ani lagi serba serbinya kana gantung di bulu mata.
SUAMI
Kalau kanak-kanak damit inda jua kan di hairankan, ani bajugauan sudah, tau jua kali kan keselamatan orang lain.
ISTERI
Ada jua abis diorang bapikir tu barangkali, barang mustahil jua inda… apatah lagi abis diorang atu orang bepelanjaran tinggi.
SUAMI
Mun sudah perangai dengan kebiasaan atu, inda tah abis diorang peduli semua atu, semakin kambang pulang abis diorang tu.
ISTERI
(TERKEJUT) Nah bang…! Tu nah kereta memotong kitani antadi talayah-layah ah…empat-empat rodanya ke atas…!
SUAMI
(SELAMBA) Sabab nyangku…!
- CUT TO -
WATAK-WATAK
1 SUAMI
2 ISTERI.
0 Comments:
Post a Comment