Bersopan Santun Berbudi Bahasa

TEMPAT : DALAM KERETA - (SEPANJANG PERJALANAN)
PELAKON : ABANG DAN ADIK.
ARAHAN
ADIK MELARANG ABANG MEMANDU LAJU DAN MEMOTONG DALAM KEADAAN MERBAHAYA.
ADIK
(TAKUT) Jangan luan laju bang eh…awal jua lakat ni.
ABANG
Awal tia karang…landing pukul berapa…!
ADIK
Mispun tah jua kan gagas…jangan luan inda batantu, ani potong memotong sebarangan.
ABANG
Taim macam ani jangan tah banyak pantang…asal ada lobang potong…bisdia atu pun tau jua tu…
ADIK
Tapi kana jua kitani hormat pada orang yang kitani potong atu, ani tarus potong inda besignil…inda lagi angkat tangan tu.
ABANG
Sama juanya tu, angkat tangan pun kalau bisdia kan marah…memanjang tia jua marahnya tu…
ADIK
Kitani ani bang di mana-mana pun bersofan santun atu penting, waima tah atas jalan raya macam ani.
ABANG
Munkan bersofan santun memanjang lambat tah datang tu eh…
ADIK
Iyatah yang adik maksudkan atu…bersofan santun dan berbudi bahasa, kalau kitani inda mendaului, siapa lagi…?
ABANG
Sama juanya tu…kitani inda laju karang…bisdia memancut.
ADIK
Kalau tah abang kana potong capi-capi atu marah kali ah…!
ABANG
Bukan lagi marah…sampai dapat abang potong tu.
ADIK
Nah…! Macam atu jua bisdia tu bang…
ABANG
Inda jua dapat diapa-apa semuakan mau cepat…
ADIK
Munkan memotong atu tantu-tantu pulang minta jalan.
ABANG
Atu stail lama cari adik atu eh…kalau diberi tau kan memotong…inda pulang bisdia membari tu.
ADIK
(TERKEJUT) Eehh…! Mengapa tia kereta ani bang…?
ABANG
(GELISAH) Pamcit tia barangkali…
(MEREKA KE TEPI DAN KELUAR DARI KERETA)
ADIK
Banar pamcit bang…ahir tah ni…!
ABANG
Cuba adik tahan kereta atu…spiar tayar lagi inda ada.
ADIK
(MALU-MALU) Orang kitani potong tadi ni bang…!
ABANG
Biarkan tia…karang minta maaf…!

- CUT TO -

WATAK-WATAK
1 ABANG
2 ADIK.